भोरे भोरे डोलिया में विदाई होली बिटिया
अजुए से सबसे पराई होली बिटिया
गाँव के इयदिया अँचरिया में लिहली
माई आजू भरी अंकवरिया में लिहली
सिंकिओ से सिंकिया खराई होली बिटिया |
डोलिया चढ़ावत भइया धीरवा धरावेलन
अँखिया से हर$ हर$ हो निरवा गिरावेलन
हरवा के मेटेला हो हराई होली बिटिया |
सखिया सहेली छुटस छुटेली बहिनिया
पनिया पिआवताड़ी लोटा ले नउनिया
मथवा के पगरी के ऊंचाई होली बिटिया |
ललसा रे ललसा असरवा रे असरवा
छुटल जाली बेटी भइल जाली बेअसरवा
मनवा के मीत के मिताई होली बिटिया |
विद्या शंकर विद्यार्थी
