हो भँवरा !
बाँझ भइल बगिया
उठस लागे रगिया
आ बिगरल पगिया हे।
उचटल नेहिया तोहार
अनही तिखर हो गइल॥
हो भँवरा !
चनवों चोन्हाइल
तनिका न अघाइल
सोझवें लुकाइल हे।
हुलसे ना जियरा हमार
सुधिया बिखर हो गइल॥
हो भँवरा !
रसवा चोरावल
जाँगर ठेठावल
मधुरस बनावल हे।
बिखिआइल देखि भिनुसार
हियरा रुखर हो गइल॥
जयशंकर प्रसाद द्विवेदी जी के लिखल भोजपुरी गीत कवन नजीर देहलु गोरिया
भोजपुरी के कुछ उपयोगी वीडियो जरूर देखीं
जोगीरा डॉट कॉम पऽ भोजपुरी पाठक सब खातिर उपलब्ध सामग्री
ध्यान दीं: भोजपुरी फिल्म न्यूज़ ( Bhojpuri Film News ), भोजपुरी कथा कहानी, कविता आ साहित्य पढ़े जोगीरा के फेसबुक पेज के लाइक करीं।
