लिट्टी बनावे के तरीका (माइक्रोवेव में )
लिट्टी उत्तर भारत के सबसे पसंदीदा पकवान में से एक ह.. सबसे बढियां त गोइठां पे सकल लिट्टी हीं बनेला, बाकिर जगह आ समय के कमी के चलते एकरा के माइक्रोवेव में भी अासानी से बनावल जा सकेला !!
सामग्री (४ लोग खातिर)
आटा :-
१. आटा: डेढ़ कप गेहूं के आटा ( मैदा के साथे बनावल लिट्टी तानी बेसी कुरकुरा होला)
२. पौना से १ कप साधारण/ वसा रहित दही
खाली दही के दाल के आता के निम्न से सान लीं.. आटा नीमन से सनाईल आ नरम होखे के चाहीं.. जेकरा के तोप के अलग रख दीं..
भरे खातिर:
१ कप: सतुआ
४ दाना : लहसुन, बारीक काटल
१ इंच : अदरक , बारीक काटल
दू ठो : हरीअरका मरीचा, बारीक काटल
आधा कप : ताजा धनीया पत्ता, बारीक कटा
आधा चाय के चम्मच मंगरैल
२ बड़ चम्मच : करुआ (सरसों) तेल
एक चाय के चम्मच : अजवाईन
एक चम्मच: नींबू के रस
१ भा २ चम्मच मरीचा के आचार के मसाला
नमक स्वाद के हिसाब से
तरीका :-
१. सतुआ के साथे एके साथे मय सामग्री मिलाईं ! चौथाई से आधा कप ले (जरुरत अनुसार) पानी डाल के मिलाईं, जेकरा से सतुआ नरम रही आ भरे में आराम रही..
२. अब आटा के ८ ठो लोईया बना लीं आ हर लोईया के साथे परथन लगा के २.५” से ३” के आकर के होखे के चाहीं ! एकरा में बेलना के कवनो जरुरत नइखे आ हाथे हीं बनावल जा सकेला ! लोईया के अइसन आकर दीं जेकरा में सतुआ भरल जा सको !
३. लोईया में २-३ चाय के चम्मच बनावल सतुआ भर के, चारो ओर से बंद कर दीं !
४. सजब सब लिट्टी भरा जाओ, त माइक्रोवेव ओवन के 375 फ पे प्री-हीट करीं ! ओकरा बाद सब लिट्टी के एल्युमीनियम पन्नी (Foil) पे डाल दीं ! जब ले एक तरफ भुअर भा करीआ रंग के निशान/ धब्बा ना आ जाओ तबले ओकरा के सेकाए दीं! ओकरा बाद लिट्टी पलट के दुसरका तरफ भी भुअर रंग आवे के इन्तेज़ारी करीं !
५. सेका जाइला के बाद लिट्टी निकाल के ओकरा के देसी घी आ चाहे मक्खन में में डूबा के निकालीं ! ओकरा बाद एकरा के आचार/ धनिया के चटनी आ चाहे बैगन भर्ता के साथे परोस दीं