परनाम ! स्वागत बा राउर जोगीरा डॉट कॉम प, आयीं पढ़ल जाव संजीव कुमार जी के लिखल गंगा मईया के आरती ( एगो किसान के नजर से ), रउवा सब से निहोरा बा कि पढ़ला के बाद आपन राय जरूर दीं, अगर रउवा संजीव कुमार जी के लिखल गंगा मईया के आरती अच्छा लागल त शेयर जरूर करी।
गंगा जी के अरतियां ऐ मईया
यमुना जी के अरतियां
घिउआ जरेला रे माई
सारी सारी हो, रतिया।
गंगा जी के अरतियां…..
पनियां त हवे अमरितवा रे मईया
हरे ला हो पियसिया
बहेला अमरितवा रे माई
सारी सारी हो, जगतियां।
गंगा जी के अरतियां…….
तहरे आशीष त हवे ऐ मईया
किसनवा के हरेला दुखिया
खेतवा में जब पड़ेला रे माई
सारी सारी हो,अमरितवा।
गंगा जी के अरतियां…..
पनियां परत लहरे रे ऐ मईया
खेतवा में जब डरिया
भरी भरी जाला भंडरवा रे माई
पूरा होला किसान के हो, उम्मिदिया।
गंगा जी के अरतियां…….
तहरे बिना सब सुखल ऐ मईया
दिह आपन अशीषवा
बहिह हर जगह रे माई
हरिह जगत के हो, दुखिया।
गंगा जी के अरतियां……
जोगीरा डॉट कॉम पऽ भोजपुरी पाठक सब खातिर उपलब्ध सामग्री
ध्यान दीं: भोजपुरी फिल्म न्यूज़ ( Bhojpuri Film News ), भोजपुरी कथा कहानी, कविता आ साहित्य पढ़े जोगीरा के फेसबुक पेज के लाइक करीं।
