अखिल भारतीय भोजपुरी साहित्य सम्मेलन,पटना के बैठक 14 अप्रैल रविवार के दोपहर 12:30 बजे से साहित्यकार श्री महामाया प्रसाद विनोद के आवास आश्रय अपार्टमेंट ,आरा गार्डन रोड जगदेव पथ , बेली रोड ,पटना में भइल।
एह बैठक में कई गो प्रस्ताव राखल गइल जवना में मुख्य रहे सम्मेलन के अगिला राष्ट्रीय अधिवेशन मुजफ्फरपुर में करावे के बात।सम्मेलन पत्रिका सुचारू रूप से निकाले । जेकर संपादक मंडल में प्रो ब्रजकिशोर जी के निधन से स्थान रिक्त होखे के कारण बदलाव के जरूरत पर बात भइल।
अब्दुल ग़फ़्फ़ार जी के रचना पढ़ें क्लिक करीं
अभी फिलहाल सम्पादन के कार्य श्री महामाया प्रसाद विनोद के देखरेख में होई।एकरा पर आउर भी प्रतिनिधि आ सदस्य लोगन से बात कइला के बाद एकर अंतिम प्रारूप तइयार कइल जाई।एह बैठक में मुख्यरूप से अखिल भारतीय भोजपुरी साहित्य सम्मेलन के अध्यक्ष डॉ रिपुसूदन प्रसाद श्रीवास्तव,महामाया प्रसाद विनोद,डॉ जयकांत सिंह,डॉ ब्रजभूषण मिश्र, गंगा प्रसाद अरुण, अरविंद विद्रोही, रविन्द्र शाहाबादी, जितेंद्र कुमार, दिलीप कुमार उपस्थित रहले।बैठक में साहित्यकार गंगा प्रसाद अरुण आ अरविंद विद्रोही जमशेदपुर से शामिल भइले।
– राजेश भोजपुरिया
